აუტიზმი

ამ ბოლო დროს ხშირად მესმის ეს ტერმინი და დავინტერესდი. ჩემის აზრით ეს ერთ-ერთი ყველაზე უცნაური დაავადებაა, თუ შეიძლება ასე ვუწოდოთ. ალბათ გახსოვთ ფილმი “ნიშნები” იქ პატარა გოგონას აქვს აუტიზმი, ფილმი “წვიმის კაცი” დასტინ ჰოფმანის გმირს ჭირს იგივე, ფილმი “მერკურის ამოსვლა” და გუშინ ნანახი ფილმი რომელიც წინა პოსტში ავღნიშნე, “ძვირფასო ჯონ”, იქ მთავარი გმირის მამას აქვს აუტიზმი და კიდევ პატარა ბიჭუნას. კიდე ერთი ამას წინათ ნანახი ფილმი “ადამი”  მოკლედ ვერი ინტერესთინგ.

ვიკიპედია გვეუბნება, რომ

აუტიზმი კლასიფიცირდება, როგორც ნეიროგანვითარების ფუნქციის დარღვევა, რომელიც გამოიხატება ხაზგასმული არაადექვატური სოციალური ინტერაქციით, კომუნიკაციის დარღვევებითა და ინტერესთა და ქცევის მანერათა სპეციფიური სერიით.

მიუხედავად იმისა, რომ აუტიზმის სპეციფიური ეტიოლოგია უცნობია, მრავალი მკვლევარი ეჭვობს, რომ აუტიზმი გენეტიკურად განპირობებული სისუსტეა გარემოს ხასიათობრივი ცვლილებების მიმართ.

რა არის აუტიზმი ნიჭი, ავადმყოფობა თუ წყევლა?!  გააგრძელე კითხვა —>

აუტიზმი ტვინის განვითარების ნეირობიოლოგიური დარღვევის შედეგია,
რაც მნიშვნელოვან გავლენას ახდენს ბავშვის ვერბალური და არაველბალური კომუნიკაციის დამყარების,
სოციალური ურთიერთობების ჩამოყალიბებისა და გონებრივი განვითარების პროცესებზე.
ბავშვს პრობლემები აქვს სოციალურ განვითარებაში, კომუნიკაციაში, მეტყველებაში, ქცევაში, განსაკუთრებით კი წარმოსახვით თანაშში.
პირველად აუტიზმი 1943 წელს აღწერეს და გამოყოფდნენ შემდეგ ნიშნებს:

  1. სოციალური ურთიერთობის დამყარების უუნარობა
  2. კომუნიკაციის მიზნით მეტყველების გამოყენების შეუძლებლობა
  3. ცვლილებებისადმი ძლიერი რეზისტენტობა
  4. საგნებით გატაცება
  5. ამ მახასიათებლების გამომჟღავნება 30 თვის ასაკამდე

აუტიზმის სიმპტომები, ჩვეულებრივ თავს იჩენს ბავშვის ცხოვრების პირველი სამი წლის განმავლობაში და თან სდევს მთელი ცხოვრების მანძილზე.
ყველაზე ძლიერ ფორმას ახასიათებს გარემოსთან კონტაქტის შეუძლებლობა,თანატოლებთან და უფროსებთან ურთიერთობის დამყარების შეუძლებლობა, უჩვეულო თვითდამაზიანებელი და აგრესიული ქცევა, შიშები.აუტიზმის ყველაზე სუსტი ფორმა ჰგავს პიროვნულ აშლილობას, დასწავლის უნარის დარღვევას.ასეთ ბავშვებს იშვიათად თუ შეუძლიათ იცხოვრონ მშობლების ზრუნვის,თერაპიული ინტერვენციისა და ზოგჯერ ჰოსპიტალიზაციის ან მკურნალობის გარეშე.აუტიზმის მქონე პირს პირველ რიგში, გარემოსთან კონტაქტის დამყარების პრობლემა აქვს.ასეთი ბავშვი ყურადღებას არ აქცევს ოჯახის წევრებს, თითქოს ვერ ამჩნევს მათ,ის არ თამაშობს სხვა ბავშვებთან, უჭირს საკუთარი აზრების, ემოციაბის სხვებისთვის გაზიარება.მათთვის მეტყველება კომუნიკაციის საშუალებას არ წარმოადგენს, ისინი ხშირად უცნაურ მეტაფორებს ხმარობენაქვთ მონოტრონური ხმა, ან გაწელილი, წამღერებითი ინტონაცია.საკუთარ თავზე ისინი ლაპარაკობენ მესამე პირში.

აუტიზმით დაავადებული ბავშვები ხშირად არ რეაგირებენ საკუთარ სახელზე,
ისინი ერიდებიან და არ უყურებენ სხვა ადამიანებს,
ასევე ერიდებიან პირდაპირ მზერას,
ხშირად ეწინააღმდეგებიან ხელში აყვანას,
არ პასუხობენ სხვის ემოციებს,
ნაკლებად შედიან კონტაქტში ოჯახის წევრებთან,
შეიმჩნევა გულგრილობა ახლობლების მიმართ.
გარემო მათთვის უსიამოვნო შეგრძნებების და უარყოფითი ემოციების მომგვრელია,
განსაკუთრებით გამაღიზიანებელია ადამიანის სახე, სწორედ ამიტომ გაურბიან პირდაპირ მზერას.
ბავშვი არჩევს საჭმლის ფაქტურას და გემოს, არ ჭამს გარკვეული ტიპის საჭმელს, მაგრამ შეუძლია პირში ჩაიდოს და შეჭამოს : ქაღალდი, ფოთლები.
მუდმივი სენსორული დისკომფორტის ფონზე მათ აღენიშნებათ თვითსტიმულაცია (ტანის ქანაობა, ხტუნვა, ტრიალი) სწორედ თვითსტიმულაციის საშუალებით ცდილობს ის შფოთვის და უსიამოვნო გარემოს მიერ გამოწვეული უარყოფითი ემოციების დაძლევას და დადებითი ემოციური მდგომარეობის მიღწევას.

ასეთ ბავშვებს ხშირად აქვთ ხატვის, მუსიკის, ანგარიშის, მათემატიკის, ფაქტების დამახსოვრების, მხედველობითი გარჩევის და ა.შ.გაძლიერებული უნარი.

ახალი გარემო მათთვის უარყოფითი ემოციის და შიშის წყაროა.
აუტიზმის მქონე ბავშვები ხშირად დადიან ერთი და იმავე გზით, ერთნაირი თანმიმდევრობით იცვამენ…
ჩვეულებრივი საგნები და მოვლენები, შესაძლოა ძლიერი შიშის აღმოცენების მიზეზი იყოს, ასევე შიშს იწვევს ახალი სიტუაცია, ახალი საგნები.
აუტისტური შიშები ამახინჯებს გარემოს აღქმას.
სათამაშოებზე მეტად მათთვის მიმზიდველია სხვადასხვა მასალა, მაგალითად : ბოთლები, ღილები, თავსახურები.
ხშირად იზიდავს საგნის რაიმე თვისება : ტრიალი, ნახვრეტი, ბრჭყვიალი, ფერი…

აუტიზმი ბიჭებში ოთხჯერ უფრო ხშირია ვიდრე, გოგოებში.

რა არის დაავადების მიზეზი?
უკანასკნელ ხანს აუტიზმს განსაკუთრებულ ყურადღებას აქცევენ, რაც მისი გახშირებით აიხსნება, დაავადებულთა რაოდენობა ყოველწლიურად იზრდება. ოჰაიოს შტატის სახელმწიფო უნივერსიტეტის სამედიცინო ცენტრის მკვლევარებმა დაასკვნეს, რომ ორსულებს, რომლებმაც ორსულობის 24-28-ე კვირას გადაიტანეს ძლიერი სტრესი (მაგალითად, ახლობლის სიკვდილი, სამსახურიდან დათხოვნა ან ძლიერი შიში), დიდი შანსი აქვთ, აუტიზმით დაავადებული შვილები გაუჩნდეთ. სტრესი – აი ამ დაავადების გამომწვევი უხშირესი მიზეზი.

როგორ მკურნალობენ?
მკურნალობა კომპლექსურია და მთელი სიცოცხლის მანძილზე გრძელდება. აუტიზმით დაავადებული არ იკურნება, მაგრამ სწავლობს, იყოს დამოუკიდებელი, საზოგადოების სრულფასოვანი წევრი, ითვისებს სოციალური ადაპტაციის ჩვევებს. თერაპია მოიცავს დამამშვიდებელ საშუალებებს, დიეტას, ფსიქოსოციოლოგიურ მეთოდებს, აუდიოვოკალურ ტრეინინგებს. აუცილებელია მუდმივი სპეციალური სამკურნალო ფიზკულტურა, რათა ბავშვი სწორად ფლობდეს თავის სხეულს. მკურნალობის ერთ-ერთი ძირითადი რგოლია აუტიზმით დაავადებული ბავშვების ოჯახების ურთიერთობა გამოცდილების გაზიარების მიზნით. ეს მათ ყოველდღიური მრავალრიცხოვანი ყოფითი პრობლემების გადაჭრაში ეხმარება. აუტიზმი ფსიქიკის დარღვევაა, აქვს ფართო სპექტრი და ყოველ ცალკეულ შემთხვევაში სხვადასხვანაირად ვლინდება. აუტიზმით დაავადებულ ყველა ბავშვს როდი ეტყობა მისი ფიზიკური ნიშნები; დაავადება უმეტესად ქცევითი ცვლილებებით მჟღავნდება. მშობლებს დიდი ყურადღება და დაკვირვება მოეთხოვებათ, რათა უმნიშვნელო გადახრაც კი დროულად შეამჩნიონ.

წყარო: ძირითადად თსუს ფორუმი
____________________________________________________________________

დამატებითი ინფორმაიის სახით აუტიზმის ერთ-ერთი ფორმის შსახებ შეგიძლიათ იხილოთ ირი ლეკვეიშვილის პოსტი

About ქეით ალუკარდი

საყოველთაო ნორმირების კულტით გამთბარი –ბიუროკრატი ვარ! როცა მიმითითებენ ჭეშმარიტებაზე, მე თითს ვუყურებ
This entry was posted in Uncategorized and tagged , , , , . Bookmark the permalink.

17 Responses to აუტიზმი

  1. ნინო says:

    თიკო

    შემიძლია დაგაკვალიანოთ. იქნებ მომწეროთ თქვენი კოორდინატები

    Like

  2. თიკო says:

    ჩემს შვილს დაუსვეს აუტიზმის დიაგნოზი, მე არ ვეთანხმები ამ დიაგნოზს, მაგრამ ტერაპიულ მკურნალობას მაინც გავდივართ, არ ვიცი ვის დაველაპარაკო, თქვენ ტუ იცით ვინმემ რამე, ან თუ ვინმეს გქონიათ რაიმე შეხება ამ დაავადებასთან გთხოვთ მომწეროთ

    Like

  3. ნუცა says:

    მომეწონაააააააა :)

    Like

  4. karioka says:

    მე მგონი აუტიზმი უფრო “მოდაშია” ამერიკაში! ვიდეოში ნაჩვენები ბავშვები უფრო ექსტრემალური შემთხვევებია მგონი, მაგრამ თუ აუტიზმის და ასპერგერის სინდრომის სიმტპომებს წაიკითხავთ, არა–აუტისტური ბავშვი როგორი უნდა იყოს ვერ მიხვდები!

    Like

    • ხო რაღაც ამერიკაში მოდასავითაა უკვე :))))) ყველა ნევროზულ შემოტევას აუტიზმად რიცხავენ :D:D და ძალიან გავრცელებულია მაქეთ… :?

      Like

  5. kevana says:

    საინტერესო “დაავადებაა”, იქნებ არც ისე ცუდიცაა, თუ ზომიერი იქნება და არა ქრონიკული და გამძაფრებული? იმიტომ რომ რაღაც დოზით გარკვეული სიმპტომები ყველას აქვს, თუნდაც საჭმლის გარჩევა, მახსოვს ბავშვობაში ვერ ვიტანდი სუპში ხახვებს, ისე ცალკე სიამოვნებით ვჭამდი, ეს სახეში არყურებაც ნაცნობია.. ბევრია ასეთი..

    აი როგორც ფობიები აქვთ და ეგუებიან ან ამცირებენ, მაგრამ ხომ არავინ ეძახის მათ ავადმყოფებს?
    დაუნის სინდრომი რომ ჰქონდეს კიდევ ხო, მაგრამ აუტიზმი არც ისე საშიშად მეჩვენება… ვცდები? :)

    Like

    • ნუ ხო მარა აბა ვიდეო ნახე :(:(:( ისე რაც მე ეგეთი ხუშტურები მაქვს :(:( ხაზებს ფეხს არ ვაბიჯებ და ათასი უბედურება.. ალბათ ტიკებსაც აქვს დიდი მნიშვნელობა… იავიცი :|

      Like

  6. LiLaC says:

    kargi posTia! aseT bavshvebTan realurad shexeba arasodes mqonia, magram filmebidan vici maT shesaxeb da vfiqrob, rom dzalian sainTereso fenomenia.

    Like

  7. nicole says:

    ყველაფერი, არც ბავშვებს ეხება, ძალიან მანერვიულებს.
    აპრილში ჩემი მეგობარი ჩამოდის პოლონეთიდან საგანგებოდ იმისთვის, რომ უანარშეზღუდული ბავშებისთვის სპეციალური ფონდი შექმნას.
    გამიხარდა, ეს რომ გავიგე.
    მადლობელი ვარ ამ პოსტისთვის, ქეთ!

    Like

    • ვაიჰ ნიკოლ რა მაგარია და რა კარგი მეგობარი გყოლია :*:*:* გამიხარდა და ისიც რომ დაბრუნდი :) სად იყავი ამდენ ხანს :) :*

      Like

  8. ვიცოდი ამ დაავადების შესახებ. საინტერესო იყო :)

    Like

  9. Clown^^ says:

    საშინელებაა :შ

    უი ქეთი ჰედერისთვის რაღაც საშენო სურათი ვიპოვე აბა ნახე

    Like

    • ვაა გიო მართლა მაგარია :))))) მარა ამ დიზაინზე არ ჩაჯდება და სხვას კიდე ვერ ვეგუები :(:( აუ ისე კი დამაფიქრე ახლა შენ დიზაინი შევცვალო მარა არ მემეტება ჩემი მთვარუკა :(:(:(

      Like

      • Clown^^ says:

        ჰოო, საყვარელი მთვარეა..

        ზოგადად მთვარე ძალიან მიყვარს ^^

        Like

        • მეც მეც ძალიან ძალიან მიყვარს :) გუშინ გადავხედე დიზაინებს და გულმა არც ერთისკენ არ გამიწია :(

          Like

დატოვე კომენტარი

Fill in your details below or click an icon to log in:

WordPress.com Logo

You are commenting using your WordPress.com account. Log Out / შეცვლა )

Twitter picture

You are commenting using your Twitter account. Log Out / შეცვლა )

Facebook photo

You are commenting using your Facebook account. Log Out / შეცვლა )

Google+ photo

You are commenting using your Google+ account. Log Out / შეცვლა )

Connecting to %s